ياريسي قيرميزئ، ياريسي سارئ

كؤكسونه قالاييب هئيوانئ، نارئ

او سئوه بيلمه دي آلماليقلارئ

قووزاندئ داغلارا ، قوشولدو يئله

آغلاما  ببه ييم  آغلاما  هه له               

                 ***

 دئيرلر ياريسي توش گه ليب قارا

ياريسي قارق اولوب قارانليقلارا

آلما باغي هارا ...؟ او يئرلر هارا؟!!!

« خزر» اللرينده گه لير ساحيله

آغلاما  ببه ييم  آغلاما  هه له  

                ***

آلما مي اليمدن روزگار آلمادي

داش آتديم آلمايا، آلما قالمادي

او واختدان هئچ آلما داي سارالمادي

بيزيمده يازيميز يازيلميش بئله

 آغلاما  ببه ييم  آغلاما  هه له

              ***

گونه شه آند ايچيب اؤلمه يه جكدير

گه لين ده چيخاندا ، گولمه يه جكدير

بير كيمسه درديني بيلمه يه جكدير

ماهنئ قوجاغيندا گه له جك ديله

  آغلاما  ببه ييم  آغلاما  هه له               

              ***

بو آغئ سوووشار آغلاما گولوم

آلمادا گول آچار، سارئ بولبولوم            

گؤزونون ياشيني من نه جورسيليم؟

آخئ قافييه ني وئرميشم سئله

آغلاما  ببه ييم  آغلاما  هه له    

 يازين اته گينده سولان گوللريم

منه ياردئم ائدين لال بولبول لريم

ساچيما دن دوشوب عزيز ائللريم !!!

مني قارقيش ائديب باغچالار باغلار

«بوگون سئوگيليمين تويودو داغلار»

                ******

لحظه لر آوارا ، منده آوارا

سينه مه اود دوشوب، اوره گيم يارا

بير ائلچي يوللاديم يارا يالوارا

آليشدئ ايچيمده قارالار، آغلار

«بوگون سئوگيليمين تويو دو داغلار»

                ******

داغ چئكيب سينه مه  دؤزه بيلميرم

زينه سيز بولاغام ، سوزه بيلميرم

من اوندان اليمي، اوزه بيلميرم

سئوگی نامازیمدا بیر اوزان آغلار

«بوگون سئوگيليمين تويو دو داغلار»

             ******

يول وئرين گئديرم بويونا باخام

اونو سئومه يه ني  يانديريب ياخام

بير داملا ياش اولوب گوزيندن آخام

گؤز یاشیم سئل اولوب يولومو باغلار

«بوگون سئوگيليمين تويو دو داغلار»

من دویا بیلمه دیم نه اولدو بیزه

سندن آیریلالی گوله بیلمیرم

گئری دؤن منی ده آپار دنیزه

قورتولوب یانینا گه له بیلمیرم

سینیق اوره گیمده سنین حسرتین

داغ کیمی چئکیلیب داغ کیمی قالیب

بلکه ده دؤنمه گه یوخ جسارتین

بلکه ده بوداغلار آیریلیق سالیب؟!! 

               *****

گئری دؤن بیر اته ک اومودوم قالدی

دئدیم وارلیغیمیز سولماسین داها

گه لمه دین ، آرزیلار سولدو سارالدی

سن سیز یاشاماغیم قالیب آللاها         

یادیندا بیر گئجه قول بویون اولدوق

سنین گؤزلرینده بوغولدوم بیر آن!!!

نه ده نسه بئله جه سارالدیق سولدوق

او سئنیق کؤرپوده آیریلان زامان

                 *****

ال – اله ، اوز – اوزه دایاندیق دوردوق

« آی » دا خومار – خومار باخیردی بیزه

کؤرپونون اوستونده بیر نیشان قوردوق

آیریلدیق ، سؤز وئردیک بیر بیریمیزه

               *****

سن باتدین دنیزه بیر دنیز کیمی

سندن آیریلالی گوله بیلمیرم

من سئنیق کؤرپوده قالان ایز کیمی

قورتولوب یانینا گه له بیلمیرم

منیم باشیم آغاریبدیر

یازلیغیما  دولو یاغدئ!

ایندی منی مندن آلان

اوره گیمده چؤکن داغدئ

نلر چئکیب منیم باشیم

آغاریبدیر ساچیم ، قاشیم

اینانیرام ، قان قارداشیم

اؤلمه ییبدیر هله ساغدئ

من آغلادیم اودا گولدو

آیریلمیشیق نئچه ایلدی

هئچ بیلمیره م نه نیسگیلدی!!

نه آغریدی نه سایاغدئ!!

آرزیلاریم یورولمایین

اوز ـ گؤزومه سوورولمایین

یانیب – یانیب قوورولمایین

سئوگیلیمه یئته ن چاغدئ

هاوا سویوق گئجه یاری

ایسته میرم یاغان قاری

آداملارین  آرزیلاری

یاری قارا یاری آغدئ

سیزه بیر سئنیردان یازیرام

قارشیمدا ، توپراق ، آنام

آنام اوزو توپراق اوسته !

سیلاحلارا قارشی گولور کؤرپه جیگیم!!

باریت قوخوسو گه لیر اوتایدان

آج دئیلم ، سوسوزدا ...

ماویلیگیمی چولقایان دحشت-

اؤنومده دالغالانیر

آنام  گول له له نیب !

به به گیم یانیر !!!

توپراغیمدا قان قوسور آچیلان به نؤوشه لر!!

بیر سئنیردان یازیرام سیزه

بو تایدا من

او تایدا ، یاریم یاریمچیلیق

او شعر یازیر

من ده

او درددن

من حسرتددن

آرامیزدا بیر آددیم آیریلیق کؤلگه له نیر!

                            آنام

                               توپراغیم

                                    به به گیم

                                         گول له له نیر !!!

آچيق قوللاريندا يئريم هاردادير ؟

نه دنسه سيغميرام قوينينا سنين

منده ايسته ييرم بير مينجيق كيمي

دولاشيب آسيلام بوينينا سنين

قيما گؤزلريندن ايراغا دوشه م

يئر ائله شاختادير اوشويور جانيم

منده دوداغيندا قالان اؤپوشه م

« آي » بونا شاهيددير من نه جور دانيم

سنه يالواريرام سون باهاردا من

سيخيلير اوره ييم سيخيلير آنجاق

قارانليق گئجه لر سيزلايان  كؤنول

سنين اللرينده اولوب اويونجاق

وئر منه گؤزونون قاراسين آغين

قوي سنه يئر ساليم اوره ييم اوسته

سئوه ك عشقيميزين لاپ كؤرپه چاغين

بو سئوگي يورقوندور -  بو سئوگي خسته

ايزين وئر ياناشيم، گه ليم يانينا

بو گئجه ائله بيل سون گئجه ميزدير

بو گئجه قاپي دا قالان گؤزلريم

اؤزونده بوغولان قانلي دنيزدير

بو منه درد اولوب اؤلدورور مني

نه دنسه سيغميرام قوينينا سنين

منده ايسته ييرم بير مينجيق كيمي

دولاشيب آسيلام بوينينا سنين

من

قورخا-قورخا آغلادیم

دردیمی کیمسه بیلمه سین دییه-

آغ ساچلاریما بوروندوم

سن گئتدین

گونشین باغریندا-

قانلی بیر ایز آغلادی

باشینا قار یاغان ... تبریز آغلادی!!

مني ائله آتيب گئتدين

قار بورودو سؤزلريمي

دومان آلدي گؤزلريمي

سندن قالان ايزلريمي

دانديم سنسيز بو شه هه رده

          ***

اوره گيمه چئكدين داغئ

قويوب گئتدين آخشام چاغئ

داها سنسيز ياشاماغئ

قانديم سنسيز بو شه هه رده  

          ***

گونوم اولوب گوندن قارا

هارام واردير گئديم هاره ؟!!!

يادا يالوارا-يالوارا

يانديم سنسيز بو شه هه رده

قارشیمدا آنام

اوزو تورپاق اوسته!!

سیلاحلارا قارشی گولور کؤرپه جیکیم!

باریت قوخوسو گه لیر اوتایدان

و...

تورپاغیمدا قان قوسور آچیلان بنؤوشه لر!!

بیر سینیردان یازیرام سیزه-

بو تایدا من

اوتایدا یاریم...یاریمچیلیق

او شعر یازیر-

منده

اودرددن

من

حسرتدن

آرامیزدا بیر آددیم آیریلیق کؤلگه له نیر

(یاریم )دا ...

داغ سنین بوینوندا !!!

نه آغیرمیش گوناهیمیز ؟!!

هاوا حيرسلي

هاوا ... توتقون !

ائله بيل داغدا بوراندير !!

شاخير هر بير يانا شيمشك ،

گؤيه باخ بير :

چاپيري يورقا آتين ائلدئريم اوغلو قارا گؤيده !!!

ائله بيل ، قار ياغاجاق!

يادا-

گؤيدن يئنه اولدوز آخاجاق !

هاوا بوم-بوز

هاوا سولقون !

هاوادا هر نمه دولقون !

اولمايا قاش قاراليبدير؟!

يا ، گونش داردا قاليبدير ؟!

سوووشاق بير بئله چاغدان

سورويورلر(( توزا باتميش گونشي)) دار كوچه لرده !

بیلمیرم نه دئیم هایاندان نئجه!!!

بوراندان گلیرم یول وئرین منه

بیر به یی گؤرموشم تویدا آغلاییر

وارلیغین ائله جه چولغاییب کده ر

سانکی سئل ساراسی چایدا آغلاییر

زیروه نین بویوندا بیر آغاج گؤردوم

باهاردا آغلاییر (یای)دا آغلاییر...

قيفيللاندي آغزين بير آن

بو اؤتري زامان كئچدي سوزه – سوزه آستانامدان

سني مندن آلدي گئجه!!!

***********************

هي...

آيريليق درديسردي...

اوشویورو بارماقلاریم!

گئجه یاری...

کوچه لرین دویغولاری باتیب قارا !!!

دلی یئلین اووولتوسو -

آددیم-آددیم بیچیر کسیر!!!

آچیشقامدا کولگ اسیر‌‌‌

او ته له سیر

او...ته له سیر

گئجه یاری

یئل آپاریر اولدوزلاری

یئل آپاریر...!!!

قاچديم !!!

سن...-

كولکده قالميشدين!!

كولك آزغین کوچه لرده

ساچلارينا قار یاغماسین دییه !!!-

قاپینی آچدیم

آياق قابي لاريم الیمده ایدی -

سن شیرین یوخودا

من اوتاغین اورتاسیندا

كؤكوندن آيريلدي ،اؤلدو!

بير بوداق

يارپاقدان آيريلدي اؤلدو!!

بير آغاج -

تورپاقدان آيريلسا...!!!

                                  (دومان)

سن گؤيلردن آسيلي،

ياش_

 گؤزلردن

من_

 بوينوندان،

دويغو آستا اسير بيزده!!

ديل-

تيتره يير((ايكي ميز))ده

                                  (خانم سيفي)

دوز اولمادی یار ایلقاری یار آندی

بو یارالار یاراناندان یاراندی

دردلریمی آنلایان کیم بیله ن کیم؟!!

طالعیمه آغلایان کیم گوله ن کیم؟!!

یاغیشدان قورتولوب توش گلدی قارا

اکدیگی آغاجدان چئکیلدی دارا

اونون طالعی نه آجیمیش-آجی

هؤنکوروب آغلادی دارین آغاجی

بير اولدوز (آي)سيزلايير!!

بيرـ

( آ...................ي )-

سيزلايير!

بير-

اولدوز...

(( بو خزان يئتيررباهارا بيزي))

كيم دئدي آلداتدي هر ايكي ميزي

دالغا داشيياراق بير قانلي ايزي

باهارين خزانا چاتماسين دئير

*********************

نه يارپاق آغاجدا ياپيشيب قالير!

نه اوزان قوپوزا بير ماهني جالير!

قارانليق گونشي مين درده سالير!

باهارين خزانا چاتماسين دئير

*********************

به نؤوشه آغلايير سوسور بولبول لر

باغچادا سارالير آل الوان گول لر

گون اورتا چاغيندا قاپ-قارا يئل لر

باهارين خزانا چاتماسين دئير

********************

ياماجي آه آليب زيروه ني دومان

شاختانين اليندن كسيليب آمان

يارپاقلار آغاجدان ال اوزه ن زامان

باهارين خزانا چاتماسين دئير

سن یانماسان

بیز یانماساق

ناسیل چیخار قارانلیقلار آیدینلیغا؟!!!

آدديم آدديم بو تورپاقدا دولانديم

سينه ده كؤز بوغازلارا دار گؤردوم

آغير درده دؤزدوم آمما تالانديم

آلچاق - آلچاق زیروه لرده قار گوردوم

   *******************

آنالارين ساچلاريني يولدولار

اونا كيمسه آغلامادي يانمادي

به نؤشه لر آچيلماميش سولدولار

چمن بونو دوشونمه دي قانمادي

   ******************

ديل آچمادي وارليغيمدا كؤرپه لر

بو نه ايشدير بو نه سئحير بيلمه ديم

نه لر گه لدي باشيميزا گؤر نه لر

عؤمور بويو بيرجه دوداق گولمه ديم

   ******************

سيغانماديم دار اگنيمده قالماغا

سيلكه له نديم سينه مده كي غم لري

ال اوزاتديم تئللي سازي چالماغا

اونوداراق بوتون آجي دم لري

   ******************

ساوالاندان ايلهام آليب دايانديم

هئچ بيلمه ديم بوران نه دير قار نه دير

قوپوز الده آل ماهنييا بويانديم

دئديم بوردا دوستاق نه دير؟ دار نه دير؟

   *****************

سس اوجالدي ساوالانديم بيرده من

ساز قوينيندا تورا دوشدو اللريم

ياشيللاندي دره -  تپه چؤل، چمن

غونچه وئردي باقچا داكي گوللريم

                                                              (دومان)

ياز قيشي، پاييزي، شاختاني،قارئ

نه دنسه پوزولوب باغين باهارئ

ايكي ال اوزانيب ساحيله سارئ

حسرتي ساحيلده ياز قلمداشيم

ياز الين قوربانئ سوسما قارداشيم

شعرین داوامی مطلبین ادامه سینده

بويلو بير گئجه دن دوغولاجاغام

بير آتلي قارينجانين كوره گينده

قارانليق امه جه يم ـ

گئجه نين دوشوندن

و...

ايشيق قوساجاغام ساختالانميش گونشين ساچلارينا !

ديل آچمادان اؤنجه،

دانيشاجاغام

دوستاق نه دير بيلمه يه جه يم

منده سئنيرلار سيناجاق!!

تيكانلي تئل لر قيريلاجاقلار منده!!

و...سن ـ

ال - اله وئره جكسن آرازين ساحيلينده

ايكي پارچا كؤينه گينين ياخاسيندان ـ

بير شه له آغارميش حسرت يئل له نه جك!!!

هي...

سن اؤلمه يه جكسن!!

سن،

اؤلمه يه جكسن!!

                              (دومان)

نه غريبدير بيزيم اؤلكه؟!

سينه داغلي!

آغيز باغلي !

آرزيلاري چن بوياقلي!

هر بير زادي بؤلگه – بؤلگه!

نه غريبدير بيزيم اؤلكه؟!

دويماياراق آل گونشين ساچلاريني آخشام چاغي -

گؤزله ييريك –

بوز آتيني يه حه رله يه ، ائليميزين ايلك اوشاغي !

او ايل لردن قالان كؤلگه،

بير گون-

اصلان اولا بلكه !!!

نه غريبدير بيزيم اؤلكه!!!

گه له جك ايتسه ده باتسادا بير گون

بير كيمسه درديني بيلمه يه جكدير           

مين خه لور آغريني اوتسادا بير گون

قيفيللاندي آغزين بير آن

بو اؤتري زامان كئچدي سوزه – سوزه آستانامدان

سني مندن آلدي گئجه!!!

      ******

هي...

آيريليق درديسردي

آغيزيني باغلاديلار دينه نمه دين

كيم بو پايي بيزه وئردي؟!!!

گؤزلرينه چؤكن قورخو –

مني درده سالدي گئجه

قارانليقدا گئدن كيمي

گئتمه دئديم،...

دايانمادين.

هاراييمي دويانمادين گئتدين ندن؟!

بيليرمي سن؟

تئل لريمي يولدو گئجه

      ******

اؤتدي زامان كئچدي يازدا

يايدا پاييزلانيب كئچدي

قيش چؤكولدو قاپيميزدا

كولك قوپدو !

شاختا چالدي !

تاختالانميش قاپي ميزدا-

بارماغينين ايزي قالدي.

بو گئجه خزرين ساحيلينده يم

آغيرحسرتيمي چئكير دالغالار

بير گمي ياناشير دويغولاريما

يئلكنين دولاييب بوكور دالغالار

    آي جوموب دنيزه باتماق ايسته يير

     بير گئجه عؤمرونو ياتماق ايسته يير

    ائله بيل ايشيغا چاتماق ايسته يير

    لاي بالاي اوستونه چؤكور دالغالار

****************

      گئجه دير يئل اسير حؤرولور ساچيم

   ايستيرم بو يئله قوشولوب قاچيم

 قورتولوش ائوينه بير يولاق آچيم

 حسرتي ساحيله تؤكور دالغالار

                        ****************                         

 ساحيلده آغلايير قيزارديقجا دان

  گونش حسرتيله قالخير اوفوقدان

         سانكي سينه سيني سؤكور دالغالار

             يوردومون قاش قاباغيندا اوجاليبسان قارووول       

     قاراجايناقلي بولوددان باج آليبسان قارووول

              سانما آرتيق يورولوب يا قوجاليبسان قارووول       

      نئيه چوخ فيکره داليبسان قارووول

  *****************

             سنه چيخديم ساوالان تک داغي قارشيمدا گؤرم     

         سنه چيخديم گونشين ساچلاريني قاشدا حؤرم

              سنه چيخديم اوره گين سيفراسيني بيرده سرم      

    ياماجوندا کؤک آتارکن گؤوه رم

             قارووول ماهنيلارين چارداغيني يخدي کولک             

     گونشين جايناغينا آلدي قه ييم سيخدي کولک

               باغچاميزدا يئتيشن آلمالاري تيخدي کولک               

   آغريدان قان قوسورو وورغون اوره ک 

***************

                ساچيما دن دوزولوبدور ديله گه ل آرخا داغيم           

  اليم الدن اوزولوبدور قيريليب قول بوداغيم

                  گونشين سون آخيشيندا چايا بنزير ياناغين              

    سنه آلقيش دئيه گلمير آياغيم

 ***************

                 گون باتيب قاش قارالارکن تپه دن آشدي گئچه           

   چاناغيندان جالانيب وارليغيما داشدي گئجه

                   يئنه غم داملالارين بير ـ بيرينه قوشدو گئجه               

      دار گونومده سئل اولوب جوشدو گئجه

چيخاراق  اؤزوموز - اؤزلوگوموزه

آرزي سي بورانلي چنلي دومانلي

قوشولدوق زيروه ده بير - بيريميزه

***********

من ايديم سن ايدين بيرده ائليميز

چئشيدلي ماهني لار چالينير ديلار

زيروه نين بويوندا چيلغين اره نلر

دوماندا ايز كيمي قالينيرديلار

***********

تئللردن اوچاراق يئني بير هاوا

ياييلدي داغلارا،ان يانا - يانا

بير اوشاق بير قوجا بير قالا سئوگي

دئديلر جان قوربان آذربايجانا

***********

زيروه دن ائنرك آز-آجيق پوزقون

سن فيكره داليردين اوجا داغ كيمي

منده اؤز ايچيمده سن دييه - دييه

يانيرديم توستوسوز بير اوجاق كيمي

**********

اينديسه يازيرام گؤزونده گؤزوم

اولمايا بير داحا گؤرمه يم سني

بو آغير غوربته نه ساياق دؤزوم

قورخورام قارانليق آلا زيروه ني

گول اوزو خالق ایچره آغ اولدو

بیزه بیر داغ-

بیر یئخیلماز دایاق اولدو

بیر الینده قلم اولدورمه گه ظالیم لری-

خنجر بیر الینده

کلمه لر غنچه وئریر سؤزلو صداقتلی دیلینده

اولدوز اوینور ...ککیلینده

بئله بیر توی گئجه سینده هانی آیدین؟!

هانی اوختای؟!

هانی بیر-بیر چالیشیب بیرله شن ائللر؟!!

هانی قانلا بویانان یئخماغا ظالیم ائوی -

شاققیلتیلی سئل لر!!

هانی بایراق اولان ال لر...؟!!!

                                            ((سحر))

نه اولدو حیاتدان کدریم شنیم

خزانا تالاندی یاشیل چمنیم

مین یئره بؤلوندو تورپاغیم منیم

نه دن آغلاماییم نه دن دئه منه!!!؟

منی دوغرادیلار بؤلدولر منی

قانلی دوداقلاردا گولدولر منی

آخیردا کیمسه سیز بیلدیلر منی

دیریلیک یاراشار دیدرگین منه!!!؟

**********

ایندی اؤز ایچیمده آلیشیرام من

آغیر گونلریمده چالیشیرام من

بوز - بوز آداملارا قاریشیرام من

گؤزلریم دوتولوب دوشموشم چنه!

**********

آنجاق بیر گئجه دن گله جه یم من

سحرین قوینیندا گوله جه یم من

اؤلسم وطنیمده اؤله جه یم من

((کیمسه آغلاماسین اؤلنده منه))

**********

بورادا سؤیله دیم دردیمی سیزه

یاخیندیر او گونلر ، یاخیندیر بیزه

آراز ساحیلیندن آنا تبریزه

اومود یایاجاغام من دؤنه - دؤنه

جان قوربان ائدره ک عزیز وطنه

يئنه ده آيريليق دوشدو ياديما                سئخيلدي اوره گيم دولدو اوره گيم

شعير باغچاسينا يول آچا - آچا             ال آتدي ساچيني يولدو اوره گيم

چيرپيندي كامانچا قيريلدي تئللر           خييالي بورودو قاپ - قارا يئللر          

اولمايا ساراني آپاردي سئللر               آرازين فئلينه دالدي اوره گي                

                                 **********

يازييا بند اولان كلمه لر هاني ؟          هاني دالغالانان بابكين قاني ؟

ندنسه چن دوتوب آذربايجاني ؟           بو گئجه قيدينه قالدي اوره گيم

                                 **********

اينديسه دييرم قارداشيم، باجيم             منيم وارليغيمدير باشيمدا تاجيم

قار ياغيب باشيما آغاريب ساچيم          سانما كي پاييني آلدي اوره گيم 

بير ايچيم چاخير ايدين -

گؤزومون چاناغيندا!

كئفلنديم ايچه - ايچه !!                               

قورتولوش وارليغيمي بورودو-

قورتولدوم سنين كيمي.

داحا... نه سن واريدين ، نه ده من

بيز تگجه بير داملاجيقلا يووولدوق-

مورگولو ياشاييشدان

من ، سن ‌، او ، بيز -

بوروم-بوروم یوللار گئتدیک آنا تبریز...

...چوخلو یئرده گؤرسه نیردی شعر اوجاغی

اوجاقلاردا ائلیمیزین دوشونجه سی

آزادلیغین گؤی نفسی

و...

دومانلی بیر هاوادا یاییلیردی

( قوردون ) سسی ...

آی سیز گئجه!

های سیز گئجه!

آراییردی اولدوزلاری بیلمه م نئجه - بیلمه م نئجه؟!!!

آخيلان اولدوز!!

قاداقلي قاپي نين ياشلي گؤزونده-

آغ-آپباغ آي جامي قارالان زامان-

بير آغير يوخونون ياستيغين ديير!!!

باخیشین آیدیندیر گوزلرین چن سیز

سوزلرین نه دییر ((من))یمه من سیز

یاشاماق چتیندیر سن سیز وطن سیز

                                                      کونلومو تالایار بیر آخشام سئزئ

                                                      آذربایجانیمین قهرمان قیزئ

یاشیل لیق یاییرام چولده چمنده

یازدا به نوشه نی درنده منده

سنین اللرینله دوشسم کمنده

                                                     ارییه ر داغلارین قارلارئ بوزئ

                                                     آذربایجانیمین قهرمان قیزئ

الینی الیمدن قوپارما هه له

چئلغین اوره گیمیز بلکه دینجه له

قوربه تدن قاییدان دورنالار گه له

                                                     چالینا آتامین قوپوزو سازئ

                                                     آذربایجانیمین قهرمان قیزئ

گه له جه گه دوغرو ايشيغا دوغرو

گه له جه ك-

 منيم دير-منيم دير-منيم

گه له جه ك اولاجاق ظولمه ته غه نيم

سازيمين سؤزومون ماراغيسان سن       اي آنا وطنيم آذربايجانيم 

                                                                                           ((دومان))

ساحيل ايله دوشدوم يولا

او آغلادي من آغلاديم

تئل لريني يولا-يولا

او آغلادي من آغلاديم

************

چن قاپئني آلان زامان

قاپ باجاني چالان زامان

گونش داردا قالان زامان

او آغلادي من آغلاديم

***********

قارا بولود كندي آلدي

نه اومود نه آرخا قالدي

آراميزا كؤلگه سالدي

او آغلادي من آغلاديم

***********

گئتدي چارا اليميزدن

آييرديلار بيزي - بيزدن

ميسمارلانديق يئره ديزدن

او آغلادي من اغلاديم

***********

الي - الدن اوزه - اوزه

آيريليغا دؤزه - دؤزه

قولو باغلي گزه - گزه

او آغلادي من آغلادي آغلاديم

                                                      (دومان)

قارووولدان –

سولغون گونش آخماقدادير !

شاقدا وئرميش سويوق اوره ك لال سؤزلرين-

يالچينلارا ياخماقدادير

نئي دييم ؟!

چن داغلارئ بوغماقدادير !

آغير گئجه كؤلگه سيني كنديميزه سالماقدادير !

آنا يوردوم

من گه ليرم هاراي سالام

داشلار اوچا-

آغير گئجه قويوب قاچا

يازيق اوره گ يالچينلاردا قاناد آچا 

من گه ليرم-

چني بوغام

گئجه لره ايشيق ياغام

من گه لرم-

قئفئللانميش دوداقلاردان-

بايدا- بايدا گولوش ساغام

من-

گه ليرم ياغيش ياغام

                                          ((دومان))

بير دنيز قور اتگيمده

بير اوووج سو قيرخ بولاقدان

بيرآليملي ياشيل كؤينك

بير پرچينه خاطريله-

آل گونشي ايزله ييبن يولا دوشدوم

كول جالانان كوچه لردن

آيي باتميش گئجه لردن

قالينلاردان اينجه لردن

شعر آتيلا ارخالانديم

قارووولدان چيخا-چيخا-

ياشيل ماهني سئودالانديم

وارليغيما داي اينانديم

ايندي منيم قالارقيم وار

داشدان قه ييم

اوتدان ايستي

سودان سوزگون

اينانارسيز مني بير گون

                                      ((دومان))

گونش اويور!

يئنه حسرت بوقچاسيندا!

سن-

گئتمه گين ايسته ييرسن

آياق يالين زيروه لردن بويلاناركن-

قاش قاباقلي بولودلارا ساي ساليرام!

ماويليگيم-

بير آل دونا گئينركن

داملا-داملا حسرت سوزور اته گيندن !

ديله ييرم :

گئتمه يولداش

سون باخيشدا سن گئديرسن-

گونش اويور !

قارا بايراق قارانليقلار

گؤزلريمه كؤلگه سالير !!!

                                        ((دومان))

قار یاغیر !!!

قورشومدان آغیر !!

یاغیر...

وارلیغیمی گیله-گیله ساغیر

سينه داغلي!

آغيز باغلي!

آرزيلاري چن بوياقلي!

هر بير زادي بؤلگه-بؤلگه!

نه غريبدير بيزيم اؤلكه!

دويماياراق آل گونشين ساچلاريني آخشام چاغي-

گؤزله ييريك -

بوز آتيني يه حه رله يه ...ائليميزين ايلك اوشاغي!

او ايللردن قالان كؤلگه-

بير گون اصلان اولا بلكه!!!

نه

     غريبدير

             بيزيم...اولكه!!!

                                            ((دومان))

قانا باتميش حؤروگونون قورد آغزيلادارانماسين!!

((دومان))

 

نئچه ایللر سن سیزلیگه دوزموشم      دومان اولوب زیروه لردن سوزموشم

دای الیمی یئردن گویدن اوزموشم       سنسیزلیگیم سازا دولدو گه لمه دین

                          کونول قوشوم آزاد اولدو گه لمه دین

                                                ((دومان))

يئغ شوشه يه آغزين باغلا،

قوي-

گونشين اوجاغيندا چاخيرلانسين!!

چه رشنبه سيز،تامارزيلار-

بايرامينا!

                       ((دومان))

او آغلادي من آغلاديم

تئل لريني يولا - يولا

او آغلادي من آغلاديم

***********

چن قاپئني آلان زامان

قاپ باجاني چالان زامان

گونش داردا قالان زامان

آو آغلادي من آغلاديم

************

قارا بولود يوردو آلدي

نه اومود نه آرخا قالدي

آراميزا كؤلگه سالدي

او آغلادي من آغلاديم

***********

گئتدي چارا اليميزدن

آييرديلار بيزي - بيزدن

ميسمارلانديق يئره ديزدن

او آغلادي من آغلاديم

***********

الي-الدن اوزه - اوزه

آيريليقا دؤزه-دؤزه

قولو باغلي گزه-گزه

او آغلادي من آغلاديم

                                      ((دومان))

گوموش اللريني -

آل گونشين قوينينا سال!

و...

ائشئق ساخلا اؤته ن گونلريمي،

لال گئجه لر!!!

كوكسومه دال...گئجه لر!

((دومان))

کسمنلينين سئوگيلرينده ن

يومول بنؤوشم يومول !

هاوا يامان سازاقدی،
گونش سندن اوزاقدی،
بير آج قوزو مه له ييب ،
سنه بويلاندی باخدی،
يومول ، بنؤوشم يومول !

(هوا بسيار سرد است،
خورشيد از تو دور است،
بره اي گرسنه ناليد،
سرک کشيد و به تو نگريست،
بسته شو اي گل بنفشه من، بسته شو!)

چمنلره ايز دوشر،
بير دئييل کی،يوز دوشر،
نييه سنين پاييزين،
هر چيچکدن تئز دوشر؟!
يومول ،بنؤوشم يومول!

(برروي چمنها رد ي خواهد ماند،
يک رد که نه صد اثر خواهد ماند،
اما چرا خزان تو از پژمردن هر گلي نيز زودتر فرا مي رسد؟!
بسته شو اي گل بنفشه من ،بسته شو!)

گؤيده بولوت گؤرونور،
بولوت قارا بورونور،
او داغدا بیر دومان وار،
سنه طرف سورونور!
يومول ،بنؤوشم يومول!

(در آسمان ابري ديده مي شود،
ابر، سياه مي پوشد،
در ان کو ه را مهی دیده می شود
به سمت تو مي خزند
بسته شو اي گل بنفشه من ،بسته شو!)

قالارسان باخا – باخا،
کاغيذ گول سندن باها،
آری يامان چوخاليب،
گولو ده سانجير داها،
يومول ،بنؤوشم يومول!

(نگران خواهي ماند،
گلهاي کاغذي از تو گرانترند،
زنبورها فزوني يافته اند،
گلهارا نيز نيش مي زنند،
بسته شو اي گل بنفشه من، بسته شو!)

عؤمرون بيرجه هفته دير،
عطرين مين جور حب ده دير،
ايندی سئوگيلی ائيچون،
بئش قرنفيل دب ده دير!
يومول، بنؤوشم يومول!

(عمر من هفته اي بيش نيست،
عطر تو در هزار گرده نهفته است،
اکنون براي عشاق،
هديه پنج گل ميخک مرسوم است!
بسته شو اي گل بنفشه من ،بسته شو!)

يوم گؤزونو ، چن گؤرمه ،
واختسيز گلن غم گؤرمه،
دونيا يامان قاريشيب ،
من گؤره نی سن گؤرمه !
يومول، بنؤوشم يومول !

(چشمت را ببند، مه را مبين،
غم بي وقت آمده را مبين،
دونيا عميقا مغشوش است،
آنچه را که من ديده ام تو مبين!
بسته شو اي گل بنفشه من، بسته شو!)

سازيمين سؤزومون ماراغيسان سن       اي آنا وطنيم آذربايجانيم 

                                                                                           ((دومان))

((دومان))