منیم باشیم آغاریبدیر

یازلیغیما  دولو یاغدئ!

ایندی منی مندن آلان

اوره گیمده چؤکن داغدئ

نلر چئکیب منیم باشیم

آغاریبدیر ساچیم ، قاشیم

اینانیرام ، قان قارداشیم

اؤلمه ییبدیر هله ساغدئ

من آغلادیم اودا گولدو

آیریلمیشیق نئچه ایلدی

هئچ بیلمیره م نه نیسگیلدی!!

نه آغریدی نه سایاغدئ!!

آرزیلاریم یورولمایین

اوز ـ گؤزومه سوورولمایین

یانیب – یانیب قوورولمایین

سئوگیلیمه یئته ن چاغدئ

هاوا سویوق گئجه یاری

ایسته میرم یاغان قاری

آداملارین  آرزیلاری

یاری قارا یاری آغدئ