دوز اولمادی یار ایلقاری یار آندی

بو یارالار یاراناندان یاراندی

دردلریمی آنلایان کیم بیله ن کیم؟!!

طالعیمه آغلایان کیم گوله ن کیم؟!!

یاغیشدان قورتولوب توش گلدی قارا

اکدیگی آغاجدان چئکیلدی دارا

اونون طالعی نه آجیمیش-آجی

هؤنکوروب آغلادی دارین آغاجی

دایانمیشام گؤزلریمین ساحیلینده

پوزولوردو خاطیره لر قوملار اوسته

دالغا ـ دالغا چيرپينيردين اوره ییمده

چالخالانیب گؤرونوردون گؤزلریمده

بیله رـ بیلمه ز اوره ییمده

بیر گول اکدیم عشق آدیندا

هر گون آخشام ساچلارینی تومارلاییب -

دارایاردیم 

گؤزياشيمي-

اينجي اینجی اوزه رینه- دوزرديم...

هي...                                                              

آیریلیغین گمی سینده

گئجه آغیر...

 آغیر...

آغير...

 يئر اوزونه اولدوز ياغير!!!