یاز گئجه سیدی، یاغیش شیر ـ شیر شیریلداییردی، اولدوزسوز گئجه لرتک یالقیزلامیش ایدیم، اوره ییم یامان داریخمیش ایدی، اللریم قوینومدا اویان بویانا گئدیردیم، ایللر بویو اولاردی کی سنی ایتیرمیش ایدیم، اما اینانیردیم بیر گون گله جکسه ن، بیر گون اللریم اللرینده ، سئوینج دونیاسیندا شه ن صاباحلار بیزیم اولاجاق، بیر گون...

آدديم آدديم بو تورپاقدا دولانديم

سينه ده كؤز بوغازلارا دار گؤردوم

آغير درده دؤزدوم آمما تالانديم

آلچاق - آلچاق زیروه لرده قار گوردوم

   *******************

آنالارين ساچلاريني يولدولار

اونا كيمسه آغلامادي يانمادي

به نؤشه لر آچيلماميش سولدولار

چمن بونو دوشونمه دي قانمادي

   ******************

ديل آچمادي وارليغيمدا كؤرپه لر

بو نه ايشدير بو نه سئحير بيلمه ديم

نه لر گه لدي باشيميزا گؤر نه لر

عؤمور بويو بيرجه دوداق گولمه ديم

   ******************

سيغانماديم دار اگنيمده قالماغا

سيلكه له نديم سينه مده كي غم لري

ال اوزاتديم تئللي سازي چالماغا

اونوداراق بوتون آجي دم لري

   ******************

ساوالاندان ايلهام آليب دايانديم

هئچ بيلمه ديم بوران نه دير قار نه دير

قوپوز الده آل ماهنييا بويانديم

دئديم بوردا دوستاق نه دير؟ دار نه دير؟

   *****************

سس اوجالدي ساوالانديم بيرده من

ساز قوينيندا تورا دوشدو اللريم

ياشيللاندي دره -  تپه چؤل، چمن

غونچه وئردي باقچا داكي گوللريم

                                                              (دومان)