ياز قيشي، پاييزي، شاختاني،قارئ

نه دنسه پوزولوب باغين باهارئ

ايكي ال اوزانيب ساحيله سارئ

حسرتي ساحيلده ياز قلمداشيم

ياز الين قوربانئ سوسما قارداشيم

شعرین داوامی مطلبین ادامه سینده

قارانلیق هر یئری بوروموشدو ، هئچ بیر شی گؤزه گؤرونموردو ، سانکی بوتون عالم آغیر یوخویا گئتمیشدی، اما اوزاقدان بیر ایشیغ گؤزه ساچیردی، یامان اوشویوردوم یاغمور چیله ییردی پالچیق دووارلارا، ایشیغی گؤره رکن چوخ سئویندیم، آللاه آللاه دئیه دئیه ایشیغا دوغرو یاخینلاشدیم ، آغلارتی سسی بوتون کوچه نی بوروموشدو...

بويلو بير گئجه دن دوغولاجاغام

بير آتلي قارينجانين كوره گينده

قارانليق امه جه يم ـ

گئجه نين دوشوندن

و...

ايشيق قوساجاغام ساختالانميش گونشين ساچلارينا !

ديل آچمادان اؤنجه،

دانيشاجاغام

دوستاق نه دير بيلمه يه جه يم

منده سئنيرلار سيناجاق!!

تيكانلي تئل لر قيريلاجاقلار منده!!

و...سن ـ

ال - اله وئره جكسن آرازين ساحيلينده

ايكي پارچا كؤينه گينين ياخاسيندان ـ

بير شه له آغارميش حسرت يئل له نه جك!!!

هي...

سن اؤلمه يه جكسن!!

سن،

اؤلمه يه جكسن!!

                              (دومان)

سن گئتدین آردینجا مین داغین اوره یینی داغلادین، سن گئتدین بولودلار هونکوروب، هایکیریب آغلادیلار، سن گئتدین وارلیغین بئلی بوکولوب سیندی.

 گولوشون بوتون دردلریمین درمانیدی، سن گئتدین گئدندن بری هئچ گولمه میشم، گؤزلرین منیم اوچون اومود چاناغی، باخیشین منه یول گؤسته رن بیر اولدوز...

بیر بئله سئوگینی نده ن  دویمادین، بلکه ده اورادا سئوگی ده نده داها گؤزه ل بیر شی وار، بلکه ده گونش اولوب قارانلیغیما ایشیغ ساچاجاغسان،بلکه ده بولود اولوب وارلیغیما یاغاجاغسان،بلکه ده ...