www.amaboys.mihanblog.com--> style="BORDER-RIGHT: silver 4px outset; BORDER-TOP: silver 4px outset; BORDER-LEFT: silver 4px outset; BORDER-BOTTOM: silver 4px outset" http://music.up-is.ir/dl8/1368321148.mp3 width="145" height="45" controls="controlpanel" AUTOSTART="TRUE" LOOP="TRUE"> --------------------- یوردوموز
دومانلي گونلر

 

نه اولدو حیاتدان کدریم شنیم

خزانا تالاندی یاشیل چمنیم

مین یئره بؤلوندو تورپاغیم منیم

نه دن آغلاماییم نه دن دئه منه!!!؟

Men senin adini Ureyime yazdim. allahdan tek dileyim adini alnima yazsin...

منی دوغرادیلار بؤلدولر منی

قانلی دوداقلاردا گولدولر منی

آخیردا کیمسه سیز بیلدیلر منی

دیریلیک یاراشار دیدرگین منه!!!؟

**********

ایندی اؤز ایچیمده آلیشیرام من

آغیر گونلریمده چالیشیرام من

بوز - بوز آداملارا قاریشیرام من

گؤزلریم دوتولوب دوشموشم چنه!

**********

آنجاق بیر گئجه دن گله جه یم من

سحرین قوینیندا گوله جه یم من

اؤلسم وطنیمده اؤله جه یم من

((کیمسه آغلاماسین اؤلنده منه))

**********

بورادا سؤیله دیم دردیمی سیزه

یاخیندیر او گونلر ، یاخیندیر بیزه

آراز ساحیلیندن آنا تبریزه

اومود یایاجاغام من دؤنه - دؤنه

جان قوربان ائدره ک عزیز وطنه

 

 

+ نوشته شده در  سه شنبه بیست و دوم خرداد 1386ساعت 19:8  توسط دومان  | 

يئنه ده آيريليق دوشدو ياديما                سئخيلدي اوره گيم دولدو اوره گيم

شعير باغچاسينا يول آچا - آچا             ال آتدي ساچيني يولدو اوره گيم

                        

چيرپيندي كامانچا قيريلدي تئللر           خييالي بورودو قاپ - قارا يئللر          

اولمايا ساراني آپاردي سئللر               آرازين فئلينه دالدي اوره گي                

                                 **********

يازييا بند اولان كلمه لر هاني ؟          هاني دالغالانان بابكين قاني ؟

ندنسه چن دوتوب آذربايجاني ؟           بو گئجه قيدينه قالدي اوره گيم

                                 **********

اينديسه دييرم قارداشيم، باجيم             منيم وارليغيمدير باشيمدا تاجيم

قار ياغيب باشيما آغاريب ساچيم          سانما كي پاييني آلدي اوره گيم 

                                                                                                                        

+ نوشته شده در  یکشنبه بیستم خرداد 1386ساعت 19:17  توسط دومان  | 

 

بير ايچيم چاخير ايدين -

گؤزومون چاناغيندا!

كئفلنديم ايچه - ايچه !!                               

قورتولوش وارليغيمي بورودو-

قورتولدوم سنين كيمي.

داحا... نه سن واريدين ، نه ده من

بيز تگجه بير داملاجيقلا يووولدوق-

مورگولو ياشاييشدان

+ نوشته شده در  شنبه نوزدهم خرداد 1386ساعت 18:59  توسط دومان  | 

من ، سن ‌، او ، بيز -

بوروم-بوروم یوللار گئتدیک آنا تبریز...

...چوخلو یئرده گؤرسه نیردی شعر اوجاغی

اوجاقلاردا ائلیمیزین دوشونجه سی

آزادلیغین گؤی نفسی

و...

دومانلی بیر هاوادا یاییلیردی

( قوردون ) سسی ...

آی سیز گئجه!

های سیز گئجه!

آراییردی اولدوزلاری بیلمه م نئجه - بیلمه م نئجه؟!!!

                                                                                                           

+ نوشته شده در  سه شنبه پانزدهم خرداد 1386ساعت 18:16  توسط دومان  | 

قارانليق گئجه ده-

آخيلان اولدوز!!

قاداقلي قاپي نين ياشلي گؤزونده-

آغ-آپباغ آي جامي قارالان زامان-

بير آغير يوخونون ياستيغين ديير!!!

                                                   

+ نوشته شده در  سه شنبه پانزدهم خرداد 1386ساعت 13:2  توسط دومان  | 

آدینی تورپاغا داغا یازمیشـــــــــــام 
سنی تر چیچه گه باغا یازمیشـــام
 آل گونش دوغولان چاغا یازمیشام
                                            نییه دینمه ئیرسن گویون اولدوزئ
                                            آذر بایجانیمین قهرمان قیزئ
 

باخیشین آیدیندیر گوزلرین چن سیز

سوزلرین نه دییر ((من))یمه من سیز

یاشاماق چتیندیر سن سیز وطن سیز

                                                      کونلومو تالایار بیر آخشام سئزئ

                                                      آذربایجانیمین قهرمان قیزئ

 

یاشیل لیق یاییرام چولده چمنده

یازدا به نوشه نی درنده منده

سنین اللرینله دوشسم کمنده

                                                     ارییه ر داغلارین قارلارئ بوزئ

                                                     آذربایجانیمین قهرمان قیزئ

الینی الیمدن قوپارما هه له

چئلغین اوره گیمیز بلکه دینجه له

قوربه تدن قاییدان دورنالار گه له

                                                     چالینا آتامین قوپوزو سازئ

                                                     آذربایجانیمین قهرمان قیزئ

                                                                                          

+ نوشته شده در  پنجشنبه دهم خرداد 1386ساعت 20:51  توسط دومان  | 

گونش بويدا وارليغيمي اوفوقلاردا گؤرمه يه ن

منيم ساري ساچلاريمي محببت له هؤرمه يه ن

اوره گيمدن تيكانلاري قوپارمايان درمه يه ن

 آذربايجان تورپاغيندا دفن اولاجاق بير گئجه

بئله وئرليش خاطئرلاردا يئر سالاجاق اؤلونجه

****************************

قارانليق كي مين بير ايلدير يوردوموزا چؤكوبدور

بيزيم ياشيل آرزيميزي گيله-گيله تؤكوبدور

بير آغري كئ آرخاميزي اوشاقليقدان بوكوبدور

آذربايجان تورپاغيندا دفن اولاجاق بير گئجه

بئله وئرليش خاطئرلاردا يئر سالاجاق اؤلونجه

****************************

ديليميزي دوغرايانلار ائليميزه گوله نلر

بيزي تاريخ كيتابيندان واراق – واراق سيله نلر

يوردوموزا تاماح ساليب  قان تؤكمه يه گه له نلر

آذربايجان تورپاغيندا دفن اولاجاق بير گئجه

بئله وئرليش خاطئرلاردا يئر سالاجاق اؤلونجه

****************************

هر كيمسه كي گؤزلرينين قاباغيني دوتوبدير

هركيمسه كي وارليغيني قارانليغا ساتيبدير

هركيمسه كي آيريليغين دالداسيندا ياتيبدير

آذربايجان تورپاغيندا دفن اولاجاق بير گئجه

بئله وئرليش خاطئرلاردا يئر سالاجاق اؤلونجه

 

                                                                    

+ نوشته شده در  جمعه چهارم خرداد 1386ساعت 14:26  توسط دومان  | 

من كئچيد وئره جه ك بيريول گؤرورم

گه له جه گه دوغرو ايشيغا دوغرو

گه له جه ك-

 منيم دير-منيم دير-منيم

گه له جه ك اولاجاق ظولمه ته غه نيم

 

+ نوشته شده در  جمعه چهارم خرداد 1386ساعت 14:20  توسط دومان  | 

گئديرم گئجه نين قالاسين آلام

              يول وئرين چيخيرام زيروه ده قالام

                            ايستيرم بولوددان پاييمي آلام

                                          من قالان دئيلم يول وئرين منه

                                                                                  (دومان)

                                                                          

+ نوشته شده در  جمعه چهارم خرداد 1386ساعت 0:38  توسط دومان  | 

یاز گونلری ـ نین بیر گونویدو و گونه شین باتان چاغی ، اوره گیم یامان داریخمیشدی ، گؤیلری دومان بورویه ن کیمی منیم ده کونلومو غم بوروموشدو ، او گون هم گؤی آغلاماق ایسته ییردی ، هم ده منیم گؤزلریم . آخشام اولدو ، دئییردیله ر سن وارلیغین آغیر یوکون چئگنینده ن یئره قویوبسان ، آما من نئجه اینانا بیلردیم منجه اینسان او زامان اوله ر کی غرورسیز یاشاسین ، شرف سیز ، ووقارسیز ، حابئله غیرت سیز، آما سن...

سن منیم اوچون دالغا - فیرتینا - ده نیز - دویغو - شیمشک - گؤیله رین دان اولدوزو و قارانلیق دا سؤنمز بیر ایشیق ایدین ، بویله یاشایان اینسان اولرمی؟!

ایندی یانیرام آتا ، یانیرام نئیه کی هئچ زامان سنین گؤزلرینه دیک باخا بیلمه دیم آما سنی گؤردوم اولومون گؤزینه دیک باخاندا ، او آن اولوم ده سنین قارشیندا دیز چؤکدو و من سوسدوم نئیه کی بیلمه دیم آغلاییم یوخسا

گولومسه ییب گووهنیم. هئچ زادی بیلمه دیم تکجه بونو بیلدیم کی سن سیز نه گولوشوم گولوش اولاجاخ و نه آغلاماغیم آغلاماخ.

ایندی ایسه گونلر بیر - بیرینین آردیجا گئچیر و من یورولمادان یئنه ده سنی گؤزلیره م ، یانیمدا اولماساندا ، هئچ بیر زامان گلمه سنده یاشاییرسان رویامدا - کونلومده - گؤزلریمده و بوتون وارلیغیمدا

+ نوشته شده در  چهارشنبه دوم خرداد 1386ساعت 12:29  توسط دومان  |